شنو يعني عمسيب وشنو تعمليها الحكومة: عصام قيسان

‏

قالوا طردوا فايزة عمسيب من بيتها و :
====================شنو يعني عمسيب وشنو تعمل ليها الحيكومة ؟؟ :
===========================

الاستاذة فايزة عمسيب

* رحم الله الوطن فانه قد توفي في الثلاثين من يونيو للعام 1989م , ومن لم يمت غيظا منذ ذلك التاريخ حتي الآن , فحتما سيؤول حاله الي ما آلت اليه حالة فائزة عمسيب وليس غريبا علي بلد تحكمه الإنقاذ , خاصة إن لم تكن من المطبلين للنظام أيا كان الجهة التي يمثلها نقابة أو رابطة أو هيئة أو حتي مجموعة مخنثة من مجموعاتهم الكرتونية , فقط تموت والغيظ ياكل جوفك وتحترق , ..... قف .... المشكلة أنو تتكلم في مجتمع غير مجتمع الحكومة , يعني في الحلة ساي أو في قعر طاحونة قديمة , أو محطة مافيها ولا بص , أو قدام جزارة وكل الواقفين فيها يا بشموا ريحة اللحمة أو عايزين ربع كيلو عضم , بس تفتح خشمك تقول فايزة عمسيب مسكينة والحكومة بالغت معاها ,,, ممكن تسمع زول لافي عمتو وجزو منها واقع في ضهرو بشكل متعمد وعندو كم رقعة في ضهرو وبالذات في منطقة الدبر حيث (( حكته الحجارة الخشنة جلوسا ))يقول ليك : شنو يعني عمسيب , يعني الدولة تخلي تحرير كرشولا وام روابة وتسكن عمسيب ؟؟ ويرفع عينو وصوتو عشان بتاع العربية السمحة داك يسمع رايو ,, ويرد ليه واحد سفيه ((علي حسب رأيه فيه )) ضاحكا : ههههههههه , وهو كرشولا ذاتها لشنو تسقط يا أبو همة ساقطة - قصدي - عمة ساقطة ... *
ياناس يا شباب يعني شنو لو ماتوا مننا مليون بس فيهم النص شباب بنين وبنات ونص النص عجايز نساء ورجال والباقي يكونو اطفال ونحرر باقي الاربعين مليون الفي السودان والله دمنا لن يضيع هدر والله والله يسمعني لن نموت سمبلة كل المطلوب نطلع الشارع ونقول لا وكم بمبان وكم طلقة وكم شلوت وكم صاروخ وكم دبابة ومليون روح تطلع فوق واصلا يومها مكتوب ويتحرر البلد وما نلقي يوم نفسنا في الشارع بعد عطاء ....
سؤااااال : اذا كنت من المؤمنين بالله أو لم تكن فانك تؤمن بأن الموت واجب عليك وقادم بحساب الايمان بالله أو بالطبيعة وانتهاء تاريخ الصلاحية ... طيب المشكلة في شنو ؟؟؟
التحية لشهيدتنا الحية عمسيب ولكل صاحب حلق رخيم لم يغني سفينة الانقاذ والمجد والخلود لنا كشهداء ان قلنا لا وصمدنا .....******